पिंपरी : यशस्वी एज्युकेशन सोसायटीच्या इंटरनॅशनल इन्स्टिट्यूट मॅनेजमेंट सायन्स (आयआयएमएस) व निवडणूक अधिकारी कार्यालय यांच्या संयुक्त विद्यमाने संस्थेच्या चिंचवड येथील कॅम्पसमध्ये ‘मतदार जनजागृती अभियानाचे’ आयोजन करण्यात आले आहे. हा कार्यक्रम यशस्वी एज्युकेशन सोसायटीचे इंटरनॅशनल इन्स्टिट्यूट मॅनेजमेंट सायन्स (आयआयएमएस), एल्प्रो कंपनी चौक, प्रा. रामकृष्ण मोरे नाट्यगृहाच्या पुढील चौक, चिंचवडगांव येथे बुधवार ९ ऑक्टोबर रोजी सकाळी १०:३० वाजता होणार आहे. यावेळी, सहाय्यक आयुक्त अण्णा बोदडे, यशस्वी संस्थेचे संचालक डॉ. शिवाजी मुंढे उपस्थित राहणार आहे.
या कार्यक्रमात स्वीप (सिस्टेमॅटिक व्होटर एज्युकेशन अँड इलेक्ट्रोल पार्टीसिपेशन प्रोग्राम) अंतर्गत मतदाराचे हक्क,कर्तव्य व जाणीव जागृतीचे कार्य या मतदार जनजागृती अभियानाद्वारे होणार आहे.
या कार्यक्रमात सर्वजण मतदानाचा हक्क बजावण्याबद्दल सामुहिक शपथ घेतील, तसेच पिंपरी चिंचवड महानगरपालिकेचे सहाय्यक आयुक्त तथा स्वीपचे नोडल अधिकारी अण्णा बोदडे यांच्यासह निवडणूक विभागाचे अधिकारी उपस्थितांना निवडणूक प्रक्रियेबद्दल सविस्तर माहिती सांगणार आहेत,. या कार्यक्रमात ‘यशस्वी’ संस्थेचे सर्व विद्यार्थी, अध्यापक कर्मचारी तसेच अन्य सामान्य नागरिकही सहभागी होणार आहेत अशी माहिती संस्थेचे संचालक डॉ. शिवाजी मुंढे यांनी दिली.