चौफेर न्यूज – साक्री येथील प्रचिती इंटरनॅशनल स्कूलमध्ये आषाढी एकादशी उत्साहात साजरी करण्यात आली. इयत्ता नर्सरी ते पहिलीच्या विद्यार्थ्यांनी वारकरी पोशाखामध्ये शालेय प्रांगणात विठ्ठल विठ्ठल जय हरी या जयघोषाने व टाळाच्या मृदुंगाने शालेय प्रांगण दुमदुमले. विद्यार्थ्यांनी सादर केलेल्या मंत्रमुग्ध करणाऱ्या नृत्याने उत्सवाची सुरुवात झाली.
‘बोलावा विठ्ठल पहावा विठ्ठल’ ही कार्यक्रमाची थीम होती “विठ्ठल, विठ्ठल” या गाण्यावर विद्यार्थ्यांनी नृत्य सादर केले. मुला-मुलींनी सुंदर वेशभूषा करून वारकऱ्यांचा वेष घेतला होता.
कार्यक्रमाची सुरुवात भगवान विठ्ठल व रखुमाईच्या पूजनाने करण्यात आली. मुख्याध्यापिका सौ.वैशाली लाडे मॅम यांनी वारीचे दीपप्रज्वलन केले. सुंदर फुलांनी सजवलेली देव विठ्ठलाची दिंडी आणि विठ्ठलाची मूर्ती पूजा करण्यासाठी आली होती. कासारे पासून मालपुर पर्यंत भगवान विठ्ठलाच्या मंदिरापर्यंत वारी सुरू झाली होती. सर्व विद्यार्थी माऊलींच्या गाण्याने आणि आरत्यांच्या उत्साहात भरून गेले होते. कासारे बसस्थानक ते बालाजी मंदिर व मालपुर गावातील राम मंदिर या मार्गावरून जात असताना सर्व माता भगिनींनी विठ्ठल रुक्मिणीच्या पूजन केले .विद्यार्थी वारकऱ्यांच्या रांगेकडे गावकऱ्यांचे लक्ष वेधले. वारीमध्ये सर्वच सुंदर अभिनय करत होते. कासारे येथील जितेंद्र नांद्रे (बाबा नांद्रे ) यांनी विद्यार्थ्यांना फळ वाटप केले.यावेळी मुलींच्या गटाने लेझीम नृत्य सादर केले.प्राचार्या सौ.वैशाली लाडे उपप्राचार्या मालविका चतुर्वेदी दोन्ही समन्वयक श्री. वैभव सोनवणे सर, तुषार देवरे सर शिक्षक व शिक्षकेतर कर्मचाऱ्यांनी या कार्यक्रमात उत्स्फूर्त सहभाग नोंदवला आणि हा कार्यक्रम अतिशय सुंदर एकात्मतेने साजरा झाला. प्रचिती इंटरनॅशनल स्कूलच्या वारकरी विद्यार्थ्यांच्या उत्तम शिस्त आणि वर्तनाबद्दल अनेक रहिवासी आणि पालकांनी सकारात्मक कौतुक केले. या कार्यक्रमाचे संयोजन श्वेता सोनवणे मॅम व सुनिता पाटील मॅम यांनी केले. कार्यक्रमाचे छायाचित्रण वैष्णवी थोरात मॅम, नम्रता गोसावी मॅम आणि सायली सोनवणे मॅम यांनी केले. लेझीम नृत्य दिग्दर्शन कोमल बागले मॅडम, सायली सोनवणे मॅम, आणि गीतांजली काकुस्ते मॅम यांनी केले आहे. कार्यक्रम यशस्वी करण्यासाठी खरे परिश्रम घेतले आहेत. माननीय अध्यक्ष श्री. प्रशांत पाटील सरांनी प्रचिती इंटरनॅशनल स्कूलच्या शाळेच्या प्रांगणात कार्यक्रम आणि आध्यात्मिक वातावरण निर्माण केल्याबद्दल कौतुक केले आहे.