पिंपरी :- गौतमी पाटील हिची बदनामी करणार्या अज्ञातांवर कडक कारवाई करण्यात यावी, अशी मागणी पिंपरी युवासेनेकडून करण्यात आली आहे. युवासेनेने भोसरी पोलिसांकडे निवेदन देऊन ही मागणी केली आहे.
पोलिसांना दिलेल्या निवेदनात म्हटले आहे की, महाराष्ट्रातील कलाक्षेत्रात गौतमी पाटील हिने अल्पावधीतच महाराष्ट्रभर नाव कमावले. परंतू प्रगती रोखता येत नसेल की समाजात बदनामी सुरू केली जाते. चुकीच्या पद्धतींने समाजमाध्यमातून गौतमी पाटीलला बदनाम करण्याचे षडयंत्र केले जात आहे. बदनामी करणारा व्हिडिओचा प्रकार निंदनीय आहे. स्त्री कपडे बदलत असताना तिचा लपून काढलेला व्हिडिओ वायरल करणे ही मर्दांनगी नाही. कलाकार म्हणून तिची कदर करा, मधल्या काळात अश्लील डान्स करून ती चुकली तिला ट्रोल केले. ती संपूर्ण महाराष्ट्राची माफी मागीतली अशातच ती पुन्हा कलाक्षेत्रात उंच गरूडझेप घेत असताना अशा चुकीच्या पद्धतीने व्हिडिओ वायरल करून समाजासमोर तिला अपमानित करणे योग्य नाही.
तरी पोलीस प्रशासनाला विनंती आहे की हा बदनामीकारक व्हिडिओ समाज माध्यमांवर प्रसारित करणाऱ्यावर कडक कारवाई करण्यात यावी. यापुढील काळात लोककलावंतांची बदनामी विरोधात कठोर कायदा तयार करण्यात यावा, असे निवेदन पिंपरी युवासेनेकडून भोसरी पोलीस स्टेशनचे वरिष्ठ पोलीस निरीक्षक भास्कर जाधव ह्यांना देण्यात आले. ह्यावेळेस पिंपरी युवा अधिकारी निलेश हाके, उपयुवा अधिकारी अविनाश जाधव, मनोज काची, चिंचप्पा निंगडॊळे, हृषीकेश माने, राजू खलसे, उपस्थित होते.