नवीन पोस्ट ऑफिसमुळे रावेतकरांच्या दैनंदिन जीवनातील अनेक सुविधा अधिक सुलभ होणार : आमदार शंकर जगताप
पिंपरी-चिंचवड: चिंचवड विधानसभा परिसरातील रावेत येथील चंद्रभागा कॉर्नर येथे नवीन रावेत उप डाकघर पोस्टचे दिमाखदार उद्घाटन आज, दि. ६ डिसेंबर २०२५ रोजी चिंचवड विधानसभेचे आमदार शंकर जगताप यांच्या हस्ते करण्यात आले. पिंपरी-चिंचवड भाजपचे सचिव आणि युवा नेते दीपक मधुकरराव भोंडवे यांच्या महत्त्वपूर्ण पुढाकारातून आणि स्वतःची जागा उपलब्ध करून दिल्यामुळे हा उपक्रम रावेत, किवळे, आदर्शनगर परिसरातील नागरिकांसाठी एक मोठे सुविधा केंद्र बनले आहे.
यावेळी बोलताना आमदार शंकर जगताप यांनी ‘जनसेवा’ संकल्पनेवर जोर देत, “हे नवीन पोस्ट ऑफिस रावेतकरांसाठी अनेक सेवांच्या उपलब्धतेचा केंद्रबिंदू बनेल, ज्यामुळे समाजातील प्रत्येक घटकाला फायदा होईल,” असे सांगितले. जनतेच्या सोयीसाठी प्रशासकीय सेवा जलद मिळाव्यात यासाठी आपण सदैव कटिबद्ध असल्याचेही त्यांनी स्पष्ट केले.
युवा नेते दीपक भोंडवे यांनी आपल्या योगदानाबद्दल बोलताना म्हटले, “समाज हितासाठी काम करताना निष्ठा आणि समर्पण महत्त्वाचे आहे. या पोस्ट ऑफिसच्या माध्यमातून स्थानिक लोकांना जलद, विश्वसनीय आणि आधुनिक प्रशासन सेवा मिळतील.” त्यांच्या या कृतीतून युवा नेतृत्वाचा समाजाभिमुख दृष्टिकोन ठळकपणे समोर आला आहे.
या नवीन पोस्ट ऑफिसमुळे पार्सल, पत्रव्यवहार, विविध शासकीय योजना आणि इतर पोस्टल सेवा आता अगदी जवळ उपलब्ध होणार असल्याने नागरिकांच्या वेळेची आणि श्रमाची मोठी बचत होणार आहे.
या उद्घाटन सोहळ्याला युवा मोर्चा प्रदेश अध्यक्ष अनुप मोरे, माजी सत्तारुढ पक्षनेता नामदेव ढाके, प्रसिध्द उद्योजक एन. बी. भोंडवे, संत तुकाराम साखर कारखाना संचालक धोंडीबा भोंडवे, माजी संचालक मधुकर भोंडवे, उद्योजक सोमनाथ भोंडवे, माजी नगरसेवक बाळासाहेब तरस, अधीक्षक दिलीप सर्जेराव, उप अधीक्षक दत्तात्रय वराडी, डाक सेवा उप अधीक्षक मुन्ना कुमार, दिलीप राऊत, धर्मपाल तंतरपाले, भाजपा मंडल अध्यक्ष मोहन राऊत, माधुरी सावळे, ॲड. प्रितीसिंग परदेशी, दादा तरस, काशिनाथ भोंडवे, पोलीस पाटील बाळकृष्ण भोंडवे, रामभाऊ भोंडवे, कुणाल भोंडवे, अमोल भोंडवे, प्रदीप बिजगे, सिंधू तंतरपाळे, जयाताई राऊत, संतोष म्हस्के, संतोष भोंडवे, किरण भोंडवे, सुरेश भोंडवे, उपाध्यक्ष महेश साळुंखे, सचिन गावडे, निखिल जाधव, शैलाताई भोईर, अलका पांडे, ज्येष्ठ नागरिक संघ अध्यक्ष सतेशकुमार चौधरी, श्री. पंढरीनाथ सानप, श्री. डोईफोडे, अजय भोंडवे, किसन भोंडवे यांच्यासह भजनी मंडळ संघ, ज्येष्ठ नागरिक संघ, विविध सोसायटीचे पदाधिकारी, स्थानिक नागरिक आणि कार्यकर्ते मोठ्या संख्येने उपस्थित होते.
हा उपक्रम ‘सुविधा, विश्वास आणि प्रगती’ या त्रिसूत्रीवर आधारित जनसेवेच्या धोरणाला बळकटी देणारा महत्त्वपूर्ण टप्पा ठरला आहे.
