प्रचिती इंटरनॅशनल स्कूलमध्ये बालदिन साजरा
आनंद, हशा आणि रंगतदार उपक्रमांनी गाजला दिवस !
साक्री (प्रतिनिधी): दिनांक १४ नोव्हेंबर २०२५ रोजी प्रचिती इंटरनॅशनल स्कूल अँड ज्युनिअर कॉलेज, साक्री येथे बालदिनाचा सोहळा उत्साह, आनंद आणि बालसुलभ उर्जेने साजरा करण्यात आला. शाळेचा परिसर रंगीबेरंगी फुगे, झेंडूच्या माळा, विविध कार्टून कटआउट्स आणि आकर्षक सजावटीने उजळून निघाला होता. या कार्यक्रमाचे इन्चार्ज सौ. हेमांगी बोरसे,
सौ. कांचन अहिरराव, श्री. गणेश नांद्रे, श्री. शिवाजी साबळे आणि श्रीमती हर्षदा गांगुर्डे यांनी उत्तम नियोजन व समन्वय साधून कार्यक्रम यशस्वीरीत्या पार पाडला.
कार्यक्रमाच्या प्रारंभी शाळेचे संस्थापक श्री. प्रशांत भीमराव पाटील यांच्या प्रेरणादायी मार्गदर्शनाखाली विद्यार्थ्यांना शुभेच्छा देण्यात आल्या. सरांनी विद्यार्थ्यांच्या सर्जनशीलतेचा, निरागसतेचा गौरव करत “बालदिन हा प्रत्येक मुलाच्या आनंदाचा दिवस आहे” असा संदेश दिला. प्राचार्या सौ. वैशाली लाडे यांनी विद्यार्थ्यांना मनःपूर्वक शुभेच्छा देत सांगितले,“बालपण हा आयुष्याचा सुवर्णकाळ आहे; त्यातील प्रत्येक क्षण शिकण्याने आणि आनंदाने सजला पाहिजे.”
याच वेळी प्रवेशद्वारावर साकारलेली आकर्षक रांगोळी विशेष आकर्षण ठरली. ही सुंदर रांगोळी प्रियंका पवार आणि सविता लाडे यांनी विद्यार्थिनींच्या सहकार्याने अत्यंत नजाकतीने रेखाटली होती.
संपूर्ण कार्यक्रम समन्वयक श्री. तुषार देवरे आणि श्री. वैभव सोनवणे यांच्या मार्गदर्शनाखाली दिनक्रम सुरळीत पार पडला. कार्यक्रमाचे सूत्रसंचालन श्री. वैभव जोशीडेकोरेशन इन्चार्ज टीमने शाळा विविध कार्टून कटआउट्स, रंगीबेरंगी फुगे व आकर्षक सजावटीने नटवली.
प्री-प्रायमरी विभागासाठी रंगतदार फॅन्सी ड्रेस स्पर्धा आयोजित करण्यात आली होती. विद्यार्थ्यांच्या मनोरंजनासाठी जम्पिंग जॅक्स, मिकी माऊस ट्रेन, कटपुतली शो, जादूचे प्रयोग, फनी गेम्स तसेच वन मिनिट गेम्सचे आयोजन करण्यात आले. वन मिनिट गेम्सचे आयोजन श्री. श्रावण अहिरे आणि श्रीमती हेमांगी गवांदे यांनी उत्तम प्रकारे करून घेतले.
कार्यक्रमातील प्रत्येक सुंदर क्षण टिपण्यासाठी श्रीमती सपना ठाकरे, श्रीमती नम्रता गोसावी, श्री प्रफुल साळुंखे, सौ. अश्विनी खैरनार, आणि दिपमाला अहिरराव, भुपेंद साळुंके, पियुष बागुल, जितेंद्र कासार, पुजा जोहरी हि नावे डेकोरेशन टीम मध्ये आहेत.
प्रत्येक वर्गाच्या वर्गशिक्षकांनी विद्यार्थ्यांकडून उत्कृष्ट नृत्य सादर करून घेतले, ज्यामुळे कार्यक्रमाला अधिक रंगत आली. या सर्व उपक्रमांमुळे विद्यार्थ्यांच्या चेहऱ्यावर आनंद फुलला. पाळण्यांवर झुलताना, विविध खेळांचा आनंद घेताना आणि कार्टून कटआउट्ससोबत फोटो काढताना त्यांच्या चेहऱ्यावरील निरागस स्मित अनमोल वाटत होते.
कार्यक्रमाचा शेवट गोड व्हावा म्हणून प्रत्येक विद्यार्थ्याला सहा प्रकारच्या चॉकलेटचे आकर्षक गिफ्ट पॅक वाटप करण्यात आले. संपूर्ण कार्यक्रमास सर्व शिक्षक, शिक्षकेतर कर्मचारी तसेच ड्रायव्हर बंधू यांचा सक्रिय सहभाग लाभला. यामुळे बालदिनाचा उत्सव अधिक सुंदर, संस्मरणीय आणि यशस्वी ठरला. शाळेचा परिसर दिनभर उत्साह, आनंद आणि हशांनी गजबजून गेला.
बालदिनाचा हा सोहळा विद्यार्थ्यांच्या बालपणात एक चिरंतन, रंगीत आणि गोड आठवण बनून कायमचा कोरला गेला.
