प्रचिती इंटरनॅशनल स्कूल अँड ज्युनिअर कॉलेज,
साक्री येथे संविधान दिवस उत्साहात साजरा
विद्यार्थ्यांमध्ये लोकशाही मूल्यांची रुजवण
साक्री : आज दिनांक २६ नोव्हेंबर रोजी आमच्या विद्यालयात संविधान दिवस मोठ्या उत्साहात आणि अभिमानाने साजरा करण्यात आला. कार्यक्रमाची सुरुवात भारतीय संविधानाचे शिल्पकार डॉ. बाबासाहेब आंबेडकर यांच्या प्रतिमेपुढे पुष्पहार अर्पण करून करण्यात आली.
कार्यक्रमाचे इन्चार्ज सौ. स्मिता नेरकर व श्रीमती नम्रता गोसावी याच्या मार्गदर्शनाखाली पार पाडण्यात आला. शाळेचे संस्थापक श्री प्रशांत भीमराव पाटील यांच्या प्रेरणादायी मनोगताने विद्यार्थ्यांमध्ये लोकशाही व संविधानिक मूल्यांविषयी आदरभाव निर्माण झाला. त्यासोबतच प्राचार्यांनी दोन शब्द मार्गदर्शनाचे देत विद्यार्थ्यांना जबाबदार नागरिक म्हणून घडण्याचे आवाहन केले.
कार्यक्रमाचे सुसूत्र समन्वय श्री. तुषार देवरे व श्री. वैभव सोनवणे यांनी अत्यंत काटेकोरपणे केले. संपूर्ण कार्यक्रमाचे प्रभावी सूत्रसंचालन श्री. राहुल पाटील यांनी करत कार्यक्रमाला सुंदर स्वरूप दिले.
विद्यार्थ्यांनी संविधान प्रस्तावना वाचन, देशभक्तीपर गीते, विचारप्रवर्तक भाषणे अशा विविध उपक्रमांद्वारे संविधानाबद्दलची निष्ठा व्यक्त केली.
कार्यक्रमाच्या शेवटी सर्वांनी संविधानातील मूल्यांचे जतन करण्याची प्रतिज्ञा करून लोकशाही बळकट करण्याचा संकल्प दृढ केला.
