प्रचिती इंटरनॅशनल स्कूलमध्ये ‘ओळख श्री ज्ञानेश्वरीची’ कार्यक्रम उत्साहात साजरा
साक्री : प्रचिती इंटरनॅशनल स्कूल अँड ज्युनिअर कॉलेज, साक्री येथे ‘ओळख श्री ज्ञानेश्वरीची’ हा भक्तिमय व प्रेरणादायी कार्यक्रम मोठ्या उत्साहात आणि भावपूर्ण वातावरणात पार पडला.
या कार्यक्रमासाठी प्रमुख पाहुणे म्हणून
* ह. भ. प. श्री पुरुषोत्तम महाराज हिंगणकर
* ह. भ. प. श्री प्रल्हाद महाराज भुईभार
* ह. भ. प. श्री शुभम महाराज शिंदे
* समन्वयक सौ. रेखाताई पाटील
यांनी उपस्थित राहून आपल्या मंगल वाणीने विद्यार्थ्यांना अध्यात्म, संस्कार आणि ज्ञानाचे महत्त्व सांगितले.
विद्यार्थ्यांमध्ये आपली महाराष्ट्राच्या संस्कृतीची व महाराष्ट्रातील संतांची ओळख व्हावी यासाठी हा कार्यक्रम आयोजित करण्यात आला होता. कार्यक्रमास आदरणीय चेअरमन साहेब श्री प्रशांत भीमराव पाटील यांनी मार्गदर्शन केले . त्यांच्या प्रेरणादायी मार्गदर्शनामुळे कार्यक्रम अधिक अर्थपूर्ण झाला.
शाळेच्या प्राचार्यां सौ वैशाली लाडे यांची उपस्थिती लाभली. समन्वयकश्री तुषार देवरेआणि श्री. वैभव सोनवणे यांनी कार्यक्रम सुरळीत पार पाडण्यासाठी आवश्यक मार्गदर्शन केले. कार्यक्रमाचे सूत्रसंचालन सौ.स्मिता नेरकर यांनी सुरेखरीत्या पार पाडले व उपस्थितांचे मन वेधून घेतले. विद्यार्थ्यांनी आणि शिक्षकांनी मोठ्या उत्साहात सहभाग घेतल्याने ‘ओळख श्री. ज्ञानेश्वरीची’ हा कार्यक्रम अत्यंत यशस्वी ठरला.
कार्यक्रमांमुळे विद्यार्थ्यांमध्ये अध्यात्मिक गुण, संस्कार आणि ज्ञानाची ओढ निश्चितच वाढीस लागेल, असा विश्वास सर्वांनी व्यक्त केला.
