साक्री : येथील प्रचिती प्री प्रायमरी स्कूलमध्ये “रेड डे” मोठ्या उत्साहात साजरा करण्यात आला. उत्साह, सौभाग्य, उमंग, धैर्य आणि नवीन जीवनाचे प्रतीक म्हणून लाल रंगाकडे पाहिले जात असल्याचे मत यावेळी शाळेचे संस्थापक प्रशांत भीमराव पाटील यांनी मार्गदर्शन करतेवेळी व्यक्त केले. यावेळी शाळेच्या प्राचार्या वैशाली लाडे, व्यवस्थापक वैभव सोनवणे, तुषार देवरे आदी उपस्थित होते. कार्यक्रमासाठी इयत्ता नर्सरी ते पहिलीच्या विद्यार्थ्यांनी लाल रंगाचे फुगे, फळे, फुले, भाज्या इ. नवनवीन लाल रंगाच्या वस्तू तयार करून आणल्या होत्या. तसेच, लाल रंगाचे महत्त्व यावर माहिती सांगितली. कार्यक्रमासाठी सविता लाडे यांनी कविता सादर केली. कार्यक्रमासाठी अतिशय सुंदर असे फलक लेखन शिक्षिका दीपमाला मॅडम आणि पुनम मॅडम यांनी केले. कार्यक्रमाचे सूत्रसंचालन कांचन मॅडम यांनी केले. संयोजन शाळेच्या शिक्षिका नम्रता गोसावी यांनी केले.
