“ संस्कृती, कृतज्ञता आणि जल्लोष
प्रचिती इंटरनॅशनल स्कूल अँड ज्युनियर कॉलेजमध्ये पारंपरिक पोळा सोहळा ”
शेतीसंस्कृती, कृतज्ञता आणि विद्यार्थ्यांचा उत्साह यांची सांगड
साक्री : प्रचिती इंटरनॅशनल स्कूल अँड ज्युनियर कॉलेजमध्ये पोळा सण मोठ्या उत्साहात आणि पारंपरिक पद्धतीने साजरा करण्यात आला. शाळेच्या आवारात सजवलेल्या बैलांची भव्य मिरवणूक काढण्यात आली. विद्यार्थ्यांनी नृत्य, गाणी, भाषणे आणि विविध सांस्कृतिक उपक्रमांच्या माध्यमातून पोळ्याचे महत्त्व उलगडून दाखवले. या कार्यक्रमाचे इन्चार्ज श्री. गणेश नांद्रे होते. सूत्रसंचालन इयत्ता नववीची विद्यार्थिनी भार्गवी ठाकरे हिने केले. समन्वयक श्री. वैभव सोनवणे तसेच श्री. तुषार देवरे यांनी विद्यार्थ्यांना महत्त्वपूर्ण मार्गदर्शन केले.
🔹 शाळेचे चेअरमन श्री. प्रशांत भीमराव पाटील यांनी विद्यार्थ्यांना संबोधित करताना सांगितले –
“शेती हा आपल्या संस्कृतीचा पाया आहे. शेतकरी आणि बैल यांच्या कष्टामुळेच आपला समाज उभा आहे. विद्यार्थ्यांनी कृतज्ञतेची भावना मनात ठेवून आपल्या परंपरा व संस्कृतीचे जतन करावे.”
🔹 प्राचार्या सौ. वैशाली लाडे यांनी मनोगत व्यक्त करताना म्हटले –
“पोळा सण आपल्याला निसर्ग, प्राणी आणि शेतकऱ्यांप्रती कृतज्ञ राहण्याची शिकवण देतो. अशा शैक्षणिक उपक्रमांतून विद्यार्थ्यांमध्ये संस्कार, परंपरेची जाण आणि सामाजिक जाणीव विकसित होते.” संपूर्ण शाळेत पोळा सण आनंदी, उत्साही आणि शैक्षणिक वातावरणात साजरा झाला. या उपक्रमामुळे विद्यार्थ्यांमध्ये शेतीसंस्कृतीबद्दल अभिमान आणि शेतकऱ्यांबद्दल आदराची भावना दृढ झाली.
