- प्रचिती प्री – प्रायमरी स्कूलमध्ये “रेड डे” उत्साहात
साक्री : प्रचिती प्री– प्रायमरी स्कूलमध्ये “ रेड डे ” मोठ्या उत्साही वातावरणात साजरा करण्यात आला. यावेळी लाल रंगाने स्कूलचा परिसर न्हाहून निघाला. हिंदू धर्मानुसार, लाल रंग उत्साह, सौभाग्य, उमंग, धैर्य आणि नवीन जीवनाचे प्रतीक मानला जातो. लाल रंग तीव्रतेचे देखील प्रतीक आहे. हा रंग अग्नी आणि मंगळ ग्रहाचा देखील रंग असून लाल रंग धैर्य दर्शवित असतो, असे मार्गदर्शन शाळेचे अध्यक्ष प्रशांत पाटील यांनी विद्यार्थ्यांना केले. यावेळी शाळेच्या प्राचार्या वैशाली लाडे, व्यवस्थापक वैभव सोनवणे, तुषार देवरे उपस्थित होते. कार्यक्रमासाठी इयत्ता नर्सरी ते पहिलीच्या विद्यार्थ्यांनी नवनवीन लाल रंगाचे फुगे, फळे, फुले, भाज्या आदी वस्तू तयार करून त्याचे प्रदर्शन भरविण्यात आले. तसेच, विद्यार्थ्यांनी लाल रंगाचे महत्त्व सांगितले.
कार्यक्रमासाठी श्वेता सोनवणे हिरल सोनवणे यांनी कविता सादर केली. प्रभावती चौधरी यांनी मुलांकडून कागदापासून वेगवेगळी ऍक्टिव्हिटी तयार करून घेतली. फलक लेखन दीपमाला मॅडम, वैष्णवी मॅडम, साळुंखे सर यांनी केले.
या कार्यक्रमाचे संयोजन तेजस्विनी घरटे व वैशाली खैरनार यांनी केले. तर, सूत्रसंचलन कांचन अहिराव यांनी केले. तर या कार्यक्रमाचे संयोजक शाळेच्या शिक्षिका हिरल सोनवणे व नम्रता गोसावी होत्या. उत्साहपूर्ण वातावरणात “रेड डे” कार्यक्रम साजरा करण्यात आला.